Sulsher: «Matich «Manchester Yunayted»da qolganidan xursandman»
09.07.2020, 22:26
Norvegiyalik mutaxassis tajribali yarim himoyachini o‘z safida saqlab qolganidan xursand.
«Manchester Yunayted» bosh murabbiyi Ole-Gunnar Sulsher yarim himoyachi Nemanya Matich bilan shartnomani uzaytirish haqida fikr bildirib o‘tdi.
– «Nemanya klubda qolishni istayotganidan xursandman. Yillar davomida Matich o‘zining tajribasini hisobga olgan holda, u biz uchun qanchalik muhimligini ko‘rsatdi. Shunday ekan, men bunga erishganimizdan juda xursandman», – dedi Sulsher «Manchester Yunayted»ning rasmiy saytida.
Eslatib o‘tamiz, serb futbolchisi 2023-yilgacha «qizil iblislar» safida to‘p suradi.
Manba: www.stadion.uz
[Изображение удалено]