Pol Merson: «MYu» Marsyal bilan APLni yuta olmaydi»
29.07.2020, 06:08
«Arsenal»ning sobiq futbolchisi Pol Merson «Manchester Yunayted» tarkibini kuchaytirishi kerakligini aytdi.
«MYu»ga markaziy hujumchi kerak. Shunday deb o‘ylayman. Agarda ular Xarri Keyn transferini amalga oshira olishsa, jamoa APL chempionligi uchun kurasha olardi.
Ko‘pchilik muxlislar Marsyal yaxshi o‘ynayotganini, Grinvud esa super yulduz bo‘lishini aytmoqda. Agarda ular markaziy hujumda Keynning rotatsiyasi uchun ishlatilsa, ularning har biri 20tadan oshiq gol ura olishardi.
Marsyal zo‘r futbolchi, lekin bunday o‘yini bilan «MYu» APL chempionligi uchun o‘ynay olmaydi. Chempionlikni doimo barqaror jamoa qo‘lga kiritgan. Keyn esa «MYu»ga shunday barqarorlikni taqdim qiladi, chunki u ligadagi eng zo‘r hujumchi. U yo‘qdan bor qiladi. Shu sababdan «Yunayted»ga tug‘ma to‘purar kerak.
Shunday o‘yinlar bo‘lyaptiki, «MYu»ga to‘pni ushlab tura oladigan futbolchi kerak bo‘lmoqda. Ular doim ham to‘pni o‘zlarida ushlab tura olishmayapti. Keynda ushbu hislat mujassam. Bu ham chempionlik uchun davogarlik qilishda kerak bo‘ladi.
Yangi mavsum tezda boshlanadi, buni esa yaxshi boshlash kerak. Dastlabki 5-6 o‘yinda g‘alabaga erishsa, jamoa chempionlik uchun kurashadi. O‘tgan mavsumda «Liverpul»ning tezligiga hech kim dosh bera olmadi. Natijada noyabr oyidayoq barchasi tugadi», – dedi Merson.
Manba: www.championat.asia
[Изображение удалено]
