Joze: «Brunu «MYu»da 20 tacha penalti tepib, jahonning eng yaxshi penaltichilaridan biri ekanligini isbotladi»
29.07.2020, 21:08
«Tottenhem» bosh murabbiyi Joze Mourino «Manchester Yunayted» yarim himoyachisi Brunu Fernandeshning Angliyadagi natijalari haqida kinoya aralash gapirdi.
«Brunu «Manchester Yunayted» safiga kelganida yuqori sport formasida edi. U juda tez moslashib, «Yunayted»ning o‘yinida katta burilish yasay oldi. Albatta, u qariyb 20 ta penaltini amalga aniq oshirib, jahonning eng yaxshi penaltichilaridan biri ekanligini barchaga isbotladi», – deydi Joze.
Eslatib o‘tamiz, APL 38-turi doirasida «MYu» safarda «Lester»ni mag‘lub etgan (2:0) edi. Ushbu o‘yindagi dastlabki gol aynan Fernandesh tomonidan 11 metrlik nuqtadan kiritilib, bu «Yunayted»ning mavsumdagi 14-penaltisi sifatida liga rekordi qayd etilgandi.
Ma’lumot uchun, yanvar oyida «Manchester Yunayted» safiga o‘tgan Fernandesh APL doirasidagi 14 o‘yinda maydonga tushib, 8 ta gol (4 tasi penaltidan) va 7 ta golli uzatmaga mualliflik qildi.
Manba: www.tribuna.uz
[Изображение удалено]