Lyuk Shou Yevropa Ligasi o‘yinlarida «MYu»ga yordam bera olmaydi
01.08.2020, 17:13
«Manchester Yunayted» himoyachisi Lyuk Shouning jarohati taxmin qilinganidan jiddiyroq bo‘lib chiqdi.
Klub rasmiy saytining yozishicha, Angliya chempionati doirasidagi «Kristal Pelas»ga qarshi o‘yinda jarohat olgan Shouning oyog‘i tibbiy ko‘rikdan o‘tkazilganida angliyalik futbolchi to‘piq paylari cho‘zilgani ma’lum bo‘lgan. Jarohatdan tiklanish uchun qariyb bir oy vaqt sarflanishi bois, Shou Yevropa Ligasi bahslarida jamoasiga yordam bera olmaydi. Himoyachi yangi mavsum boshlanishi arafasida safga qaytishi kutilmoqda.
Eslatib o‘tamiz, «MYu» 5 avgust kuni Yevropa Ligasi 1/8 final javob uchrashuvi doirasida LASK klubiga qarshi maydonga tushadi. Safardagi birinchi o‘yinda «Yunayted» 5:0 hisobida zafar quchgandi.
Ma’lumot uchun, Shou joriy mavsumda «MYu» safida jami 33 o‘yinda maydonga tushib, bitta golga mualliflik qilgan.
Manba: www.tribuna.uz
[Изображение удалено]