Manba: «Inter» Aleksis Sanchesni «MYu»dan 15 million yevroga sotib oldi
03.08.2020, 17:29
Aleksis Sanches «Inter»da qoladigan bo‘ldi. Italiya klubi chililik forvardning transferi masalasida «Manchester Yunayted» bilan kelishuvga erishdi, deya xabar bermoqda Corriere della Sera.
Manbaning yozishicha, Sanchesning transfer kelishuvi 15 million yevroni tashkil etadi. Futbolchining o‘zi ham Milan klubida keyingi uch mavsum davomida jami 15 million yevro maosh oladi.
Qayd etishilicha, klub Yevropa Ligasi doirasidagi «Inter» – «Xetafe» uchrashuvidan keyin ushbu transferni rasman e’lon qiladi.
Ma’lumot uchun, Sanches yakunlangan mavsumda «Inter» safida 29 o‘yinda maydonga tushib, 4 ta gol va 10 ta golli uzatmaga mualliflik qilgan.
Manba: www.tribuna.uz
[Изображение удалено]
