Ole: «Germaniyaga behavotir yo‘l olsak ham bo‘laveradi»
06.08.2020, 18:01
Yevropa Ligasi doirasida «Manchester Yunayted» Avstriyadan tashrif buyurgan LASK klubini qabul qildi. O‘yin davomida kichik kambek amalga oshirgan Ole-Gunnar Sulsher shogirdlari 2:1 hisobida zafar quchishdi.
«Biz futbolchilar o‘z formalarini yo‘qotib qo‘ymasliklari uchun ko‘proq o‘yin amaliyotiga ega bo‘lishlari kerakligini tushundik. Ularning aksariyati anchadan beri o‘ynamayotgan edi. Agar maydonga tushmasangiz, sizda turli muammolar yuzaga keladi va o‘yiningiz pasayishni boshlaydi. Biroq shogirdlarimning bugungi harakatlaridan ko‘nglim to‘ldi. O‘ylashimcha, vazifa bajarildi va endi biz Germaniyaga behavotir yo‘l olsak ham bo‘laveradi», – deydi Ole.
Ma’lumot uchun, chorak final bosqichidan boshlab barcha uchrashuvlar Germaniyada o‘tkaziladi. «MYu» keyingi bahsda Daniyaning «Kopengagen» klubiga qarshi harakat qiladi. Ushbu o‘yin 10 avgust kuni bo‘lib o‘tishi rejalashtirilgan.
Manba: www.sports.uz
[Изображение удалено]
