APL keyingi mavsumda 5 ta almashtirishdan voz kechdi
06.08.2020, 20:38
Angliya Premer Ligasi klublari 2020/21 mavsumida VAR tizimidan foydalanish masalasi va o‘yin davomida almashtirishlar sonini muhokama qilishdi.
Natijada, avvalgidek 3 ta o‘zgarishga qaytish haqida qaror qabul qilindi. Bunda qaydnomaga kiritilgan zaxiradagi futbolchilar soni 7 nafardan oshmasligi lozim.
BBC Sport xabariga ko‘ra, ko‘plab klublar koronavirus pandemiyasi tufayli joriy qilingan 5 ta almashtirish qoidasi kuchli jamoalarga qo‘l kelayapti, deb hisoblashdi.
Shuningdek, yig‘ilishda VAR tizimidan FIFA qoidalariga asosan foydalanish haqidagi qaror ma’qullandi.
Avvalroq, Xalqaro futbol assotsiatsiyalari kengashi (IFAB) 5 ta almashtirish qoidasini keyingi mavsumga ham joriy qilgan, ammo har bir liga bu haqda mustaqil qaror qabul qilishi lozimligini belgilagan edi.
Manba: www.tribuna.uz
[Изображение удалено]