Van De Bekning agenti yarim himoyachiga kam o‘yin vaqti berilganidan norozi bo‘ldi
30.09.2020, 14:43
«Manchester Yunayted» yarim himoyachisi Donni van de Bekning agenti futbolchining APL 3-turidan o‘rin olgan «Brayton»ga (3:2) qarshi bahsda kam o‘ynaganidan norozi bo‘ldi.
Ma’lumot uchun, 23 yoshli niderlandiyalik o‘yinning 90-daqiqasida zaxiradan maydonga tushdi.
«Brayton» bilan o‘yinda van de Bekning zaxiradan maydonga tushishi yoqmadi. Donni singari o‘yinchi o‘yin tugashiga 4 daqiqa qolganida maydonga tushirilishiga ishona olmadim. Ta’kidlashim kerakki, u qisqa vaqt ichida 3 ta samarali harakatni amalga oshirdi. G‘alaba to‘piga sabab bo‘lgan jarima zarbasini ham u ishladi.
«MYu» 1:7 hisobida yutqazishi mumkin edi. Albatta, «Brayton» yaxshi jamoaga ega, ammo bu «MYu» bilan bunday bo‘lmasligi kerak», – deydi agent.
Manba: www.tribuna.uz
[Изображение удалено]
