«Standart vaziyatlar ustida ishlagandik» – Sulsher «Brayton» bilan bahs, Mata, Pogba va transferlar haqida gapirdi
01.10.2020, 13:25
«Manchester Yunayted» bosh murabbiyi Ole-Gunnar Sulsher Angliya Liga Kubogining 1/8 finalidan o‘rin olgan «Brayton» (3:0) bilan o‘yindan so‘ng o‘z fikrlari bilan o‘rtoqlashdi.
«Xuan Mata ajoyib o‘ynadi. U o‘yinni o‘z qo‘liga oldi va jamoani tinchlantirdi. Ammo uning bunday harakatlari meni ajablantirmaydi.
Bahsning dastlabki 25-30 daqiqasi o‘zimizga bo‘lgan ishonchni oshirish va to‘pni egallab olish uchun sarflandi. Standart vaziyatlar ustida ishlagandik. Shuningdek, 4 himoyachi bilan quruq o‘yin o‘tkazdik, bu ham juda muhim.
Pogba? Uning 25-30 daqiqaga maydonga chiqishini rejalashtirgandik. U o‘yinga kirishib ketdi. Pol ham, Markus ham bir necha bor maydonda o‘z pozitsiyalarini topishdi.
Transferlar? Menda yangilik yo‘q. Biz bor tarkib bilan ishlaymiz. Bizda katta tarkib bor. Shanba kungi o‘yin bilan taqqoslaganda, 10 ta o‘zgarishni amalga oshirdik. Agar biror yangilik bo‘lsa, sizlarga xabar beraman.
Boshqa jamoa futbolchilarini muhokama qilmayman va ularning ishlari meni bezovta qilmaydi. Klubimiz tarkibni iloji boricha kuchli qilish uchun harakat qilmoqda. Mish-mishlar paydo bo‘laveradi, biz buni nazorat qila olmaymiz», – deydi Ole.
Manba: www.tribuna.uz
[Изображение удалено]
