Yangiliklar tasmasi
«Bu – guruh bosqichining boshlanishi» – Sulsher PSJ bilan o‘yin, Tuanzebe va Brunu haqida gapirdi
21.10.2020, 07:50
«Manchester Yunayted» bosh murabbiyi Ole-Gunnar Sulsher YeChLning 1-turidan o‘rin olgan PSJga (2:1) qarshi o‘yindan so‘ng o‘z fikrlari bilan o‘rtoqlashdi.
«Bu yerdagi so‘nggi g‘alabaga nisbatan boshqacha tuyg‘u bor. Ajoyib jamoani mag‘lub etgan bo‘lsak ham, bu – guruh bosqichining boshlanishi. O‘tgan safar pley-off bahsi edi va eyforiya bo‘lgandi. Bu safar muxlislarsiz o‘tdi, ammo ajoyib o‘ynadik va g‘alaba qozonishga loyiq edik.
Neymar va Mbappesi bor jamoaga qarshi yaxshi himoyalanishingiz, darvozabon esa seyvlarni amalga oshirishi kerak. Aksel Tuanzebe – top-himoyachi. Uning 10 oy ichidagi birinchi o‘yini saviyasidan dalolat beradi.
Brunu ketma-ket ikki penaltidan foydalana olmadi, ammo u zarba berishda davom etadi. U xarakter namoyish etdi. Bilamizki, guruhdan chiqish uchun 10 ochko kerak. Shuning uchun kelasi haftadagi o‘yin juda muhim bo‘ladi», – deydi Ole.
Manba: www.tribuna.uz
|
[off]
21.10
|
Рэшфорд: «Мураббийимиз кўрсатмаларига ишонишимиз шарт»
Чоршанба, 21 Октябр
1533
«Манчестер Юнайтед» ҳужумчиси Маркус Рэшфорд ЕЧЛ 1-тури доирасидаги «ПСЖ» устидан эришилган ғалабадан (2:1) кейин фикрлари билан ўртоқлашди.
«Ўйлайманки, биз яхши ўйин кўрсатдик, аммо ҳали янада ўсишимиз керак. Энг аввало мураббийимизнинг кўрсатмаларига ишонишимиз шарт. Ўйин давомида баъзи вазиятларда қийин бўлди, аммо умуман олганда ўзимизга ишониб тўп сурдик. Учрашув якунига яқин рақиб босим қилишга интилди, аммо биз юқори босимга ҳам дош бера олдик. «ПСЖ» сингари юқори техникага эга футболчиларга эга жамоага қарши баъзида чуқур ҳимоядан тўп суришга тўғри келади.
Парижда бу сафар ҳам гол уриш жуда ёқимли, аммо энг муҳими жамоамиз ғалабасидир. Гуруҳда ўрнимизни кучайтирдик, аммо ҳали бор йўғи 1-тур ортда қолди. «ПСЖ»га қарши ўйинда кўрсатган совуққонлик ва ўзимизга бўлган ишончни сақлаб қолишимиз шарт», - дейди «МЮ» форварди УЕФА расмий сайтига берган интервьюсида.
Эслатиб ўтамиз, Маркус Рэшфорднинг 87-дақиқада киритган голи Парижда «Юнайтед»га «ПСЖ» устидан 2:1 ҳисобидаги ғалабани келтирди.
