Ole: «Leypsig» bizni ancha terlashga majbur qildi. Reshford o‘yinga katta ta’sir o‘tkazdi»
29.10.2020, 10:17
«Manchester Yunayted» bosh murabbiyi Ole-Gunnar Sulsher YeChLning 2-turidan o‘rin olgan «Leypsig»ga (5:0) qarshi bahsdan keyin o‘z fikrlari bilan o‘rtoqlashdi.
«Reshford zaxiradan tushib, yaxshi o‘ynadi va o‘yinga katta ta’sir ko‘rsatdi. Biroq bunga jamoaning qolgan futbolchilari zamin yaratib berishdi.
«Leypsig» bizni ancha terlashga majbur qildi. Yuqori bosim, intensivlik. Biz haqiqatan ham qattiq ishlashimiz kerak edi. G‘alaba qozonayotganingizda erkin hududlar bo‘ladi. Bundan foydalandik.
Bugungi tarkibni tanlashda yakshanba kungi o‘yinni («Arsenal» bilan) o‘yladik. APLdagi bahslarga ham tayyor bo‘lishimiz kerak. Boshqalardan kam o‘yin o‘tkazdik, shuning uchun tezroq ochkolar to‘plashimiz kerak», – deydi Ole.
Manba: www.tribuna.uz
[Изображение удалено]