Kavani – APLda zaxiradan maydonga tushib, gol+pas tizimida 3 ochko olgan «MYu»ning ikkinchi o‘yinchisi
30.11.2020, 17:03
Angliya Premer Ligasining 10-turida «Manchester Yunayted» safarda «Sautgempton» (3:2) ustidan irodali g‘alabaga erishdi. Mankunianliklar safida hujumchi Edinson Kavani ikkinchi bo‘limda maydonga tushib, dublga erishdi va yana bir golga assistentlik qildi.
Opta’ning yozishicha, urugvaylik 33 yoshli hujumchi APL doirasida zaxiradan o‘yinga qo‘shilib, gol+pas tizimida 3 ochko (2+1) olgan «MYu»ning ikkinchi futbolchisiga aylandi.
Ushbu ko‘rsatkich borasida «qizil iblislar»ning birinchi o‘yinchisi klubning amaldagi bosh murabbiyi Ole-Gunnar Sulsher sanaladi. U 1999 yil «Nottingem Forest» bilan bahsda zaxiradan maydonga tushib, poker qayd etgandi.
Manba: www.tribuna.uz
[Изображение удалено]