«Manchester Yunayted» sobiq futbolchisi Sulsher yordamchisiga aylandi
04.01.2021, 21:57
«Manchester Yunayted» sobiq yarim himoyachisi Darren Fletcher asosiy jamoaga qaytdi, deya xabar bermoqda klub rasmiy sayti.
Bungacha jamoaning U-16 o‘smirlar jamoasini boshqarib kelgan shotlandiyalik sobiq futbolchi Ole-Gunnar Sulsher boshchiligidagi murabbiylar shtabidan o‘rin olib, uning yordamchilaridan biriga aylandi.
«Asosiy jamoaga murabbiy sifatida qaytganimdan juda ham xursandman. Ole boshqaruvidagi klub murabbiylari shtabida faoliyatimni boshlashdan juda ham xursandman», – deydi Fletcher.
Eslatib o‘tamiz, Fletcher 2002-2015 yillar davomida «Manchester Yunayted» safida 200 dan ortiq o‘yinlarda maydonga tushib, qator sovrinlarni qo‘lga kiritgan.
Manba: www.tribuna.uz
[Изображение удалено]