«Hozirgi «MYu» uchun kubokdagi g‘oliblik – ulkan qadam bo‘lardi». Sulsher «Manchester Siti»ga qarshi yarim final haqida
06.01.2021, 06:25
«Manchester Yunayted» bosh murabbiyi Ole-Gunnar Sulsher «Manchester Siti»ga qarshi Angliya Liga Kubogi yarim final bahsi oldidan o‘yin haqida to‘xtaldi.
«Hozirgi «Manchester Yunayted» uchun kubokda g‘olib bo‘lish – oldinga tashlangan ulkan qadam bo‘lardi. Biz so‘nggi 12 oy davomida katta o‘sishga erishdik.
Biz hozirgi sport formamizda oxirigacha yetib bora olishimizga ishonamiz. Bu borada hech qanday bahona o‘tmaydi.
Jamoa chorshanba oqshomidagi o‘yinga tayyor va jangga shay holatda. «Manchester Siti»ga qarshi o‘yinga jamoa yaxshi tayyorgarlik ko‘rdi», – deydi Ole.
Ma’lumot uchun, «MYu» va «Manchester Siti» o‘rtasidagi bir o‘yindan iborat yarim final bahsi 6 yanvar kuni «Old Trafford»da o‘tkaziladi. Bahs soat 00:45 da boshlanadi.
Manba: www.tribuna.uz
[Изображение удалено]
