APL dekabr oyining eng yaxshi futbolchisi va murabbiyi nomiga da’vogarlarni e’lon qildi
08.01.2021, 19:33
Angliya Premer Ligasi rasmiy sayti dekabr oyi yakunlariga ko‘ra, oyning eng yaxshi futbolchisi va murabbiyi nomiga da’vogarlar ro‘yxatini e’lon qildi.
Unga ko‘ra, eng yaxshi futbolchi bo‘lish uchun 8 nafar o‘yinchi nomzodi ko‘rsatilgan. Bular – El G‘ozi («Aston Villa»), Brunu Fernandesh («MYu»), Martines («Aston Villa»), Mi («Byornli»), Reshford («MYu»), Saloh («Liverpul»), Souchek («Vest Hem») va Stounz («Manchester Siti»).
[Изображение удалено]
O‘tgan oy yakunlariga binoan eng yaxshi murabbiy nomi uchun esa 4 nafar mutaxassis nomzodi keltirilgan. Bular – Karlo Anchelotti («Everton», 5 o‘yin, 4 g‘alaba, 1 durang), Shon Daych («Byornli», 6 o‘yin, 3 g‘alaba, 2 durang, 1 mag‘lubiyat), Ole-Gunnar Sulsher («MYu», 6 o‘yin, 4 g‘alaba, 2 durang) va Din Smit («Aston Villa», 5 o‘yin, 3 g‘alaba, 2 durang).
[Изображение удалено]
Eslatib o‘tamiz, noyabr oyi yakunlariga ko‘ra Brunu Fernandesh oy laureatiga aylangan bo‘lsa, Joze Mourino eng yaxshi murabbiy deb topilgandi.
Manba: www.tribuna.uz