«Manchester Yunayted» himoyachisi «Bayer»ga o‘tmoqda
13.01.2021, 17:02
«Manchester Yunayted» himoyachisi Timoti Fosu-Mensa «Bayer» klubiga o‘tishga yaqin, deya xabar bermoqda Daily Mail.
Manbaning yozishicha, nemis klubi 23 yoshli niderlandiyalik futbolchi bilan 3 yillik shartnoma borasida kelishuvga erishgan. Timotining «MYu» bilan amaldagi shartnomasi yozda nihoyasiga yetishi bois, futbolchining transfer summasi 2 million yevroni tashkil etadi. Futbolchi Germaniyaga yetib borgan va tez orada shartnoma imzolaydi.
Ma’lumot uchun, Fosu-Mensa 2014 yildan buyon «Manchester Yunayted» tizimida edi. Futbolchi bungacha «Kristal Pelas» va «Fulhem» safida ham ijara asosida to‘p surgandi.
Manba: www.tribuna.uz