Runi: «Manchester Yunayted» ushbu mavsumdayoq chempion bo‘ladi»
22.01.2021, 05:38
«Manchester Yunayted» sobiq futbolchisi, hozirda «Derbi Kaunti» klubi bosh murabbiyi sanalmish Ueyn Runi mankunianlarning chempionlik imkoniyatlari haqida gapirdi.
«So‘nggi bir necha yilda «Manchester Yunayted» Premer Liga chempionligi uchun kurashishga tayyor emasdi. Hozir esa jamoa tarkibida Brunu Fernandesh va Edinson Kavani singari futbolchilarning borligi ularga chempionlik uchun kurashish imkoniyatini berdi. Bu futbolchilar «MYu»ga g‘oliblik ruhini qaytarmoqda.
«MYu» hozirda APL chempionligi uchun kurashyapti. Olti hafta avval yordamchilarim bilan suhbatda «Manchester Yunayted» shu mavsumning o‘zidayoq chempion bo‘lishini aytgandim. Bu borada fikrim o‘zgargani yo‘q.
Pol Pogbaning jamoa o‘yinidagi ta’siri katta. Brunu Fernandesh va Edinson Kavanining maydonda ekani unga bo‘lgan bosimni kamaytiradi. Bu esa Pogbaga bor mahoratini ko‘rsatishga yordam beradi», – deydi Runi.
Eslatib o‘tamiz, Ueyn Runi «MYu»dagi 2004-2017 yillardagi faoliyati davomida 5 karra Angliya chempioniga aylangan.
«Manchester Yunayted» APL 19-turidan keyin 40 ochko bilan turnir jadvalida 1-o‘rinda bormoqda.
Manba: www.tribuna.uz
[Изображение удалено]