«MYu» FIFA bayonotidan keyin Superligaga qo‘shilmoqchi emas. «Real» va «Yuve» turnirni yaratish fikridan qaytmayapti
24.01.2021, 19:17
Yevropa Superligasini yaratish g‘oyasi bo‘yicha FIFA va UEFA o‘z pozitsiyasini bayon qilgach, «Manchester Yunayted» yangi musobaqaga qo‘shilishdan bosh tortmoqda, deya yozadi Daily Mail.
Manbaning yozishicha, FIFA ushbu turnirda ishtirok etgan futbolchilarning tashkilot shafeligida o‘tkaziladigan yirik turnirlarda qatnashish huquqidan mahrum etilishi haqida ma’lum qilingach, «Manchester Yunayted» bu loyihadan chiqishini ma’lum qilgan.
Shunga qaramay, «Real» va «Yuventus» klubi rahbarlari katta moliyaviy daromad keltirishi kutilayotgan Superligani yaratish fikridan qaytmayapti. Avvalroq, ushbu turnirga Angliyadan «MYu», «Liverpul», «Arsenal», «Chelsi», «Manchester Siti» va «Tottenhem» klublari ham qatnashishi haqida xabarlar tarqalgandi.
Manba: www.tribuna.uz
[Изображение удалено]