Shou: «VAR bizni chalkashtirdi. Hakam Maguayrga: «Penalti belgilasam, bu ko‘p muhokamalarga sabab bo‘ladi», – dedi»
01.03.2021, 14:18
«Manchester Yunayted» himoyachisi Lyuk Shou APLning 26-turidan o‘rin olgan «Chelsi»ga (0:0) qarshi o‘yinda raqib darvozasiga penalti belgilanmagani haqida gapirdi.
Eslatib o‘tamiz, bahsning birinchi bo‘limida jarima maydonchasi ichida to‘p «Chelsi» yarim himoyachisi Kallum Hadson-Odoining qo‘liga tegdi, bellashuv bosh hakami Styuart Ettuell VAR bilan maslahatlashganidan so‘ng penalti belgilamaslikka qaror qildi.
«To‘p qo‘l bilan o‘ynalganini ko‘rdim. Lekin Grinvudmi yoki Hadson-Odoimi, bilmayman. Shunchaki davom etdim. Hattoki VAR tekshirayotganini ham bilmasdim. O‘yin nima uchun to‘xtatilganiga hayron bo‘ldim. Agar ular buni penalti deb hisoblashmasa, unda nima uchun to‘xtatishdi?
Hakamning Maguayrga: «Agar hozir penalti belgilasam, keyinchalik bu juda ko‘p muhokamalarga sabab bo‘ladi», – deganini eshitdim.
Lekin tushunmayapman… To‘p bizda edi, hujum qilayotgandik. VAR o‘sha vaziyatda bizni chalkashtirib yubordi.
Agar bu penalti bo‘lmasa, hakamlar o‘yinni davom ettirishlari mumkin edi. Bundan shikoyat qilmoqchi emasman. Menga ikkala jamoa ham g‘alaba uchun yetarlicha harakat qilmagandek tuyuldi», – deydi Shou.
Manba: www.tribuna.uz
