Ole: «Murabbiylar hakamlarga bosim o‘tkazishmoqda. Natijada «MYu»ga penaltilar berilmayapti»
01.03.2021, 14:27
«Manchester Yunayted» bosh murabbiyi Ole-Gunnar Sulsher APLning 26-turidan o‘rin olgan «Chelsi»ga (0:0) qarshi o‘yinda raqib darvozasiga penalti belgilanmaganidan norozi bo‘ldi.
Eslatib o‘tamiz, bahsning birinchi bo‘limida jarima maydonchasi ichida to‘p «Chelsi» yarim himoyachisi Kallum Hadson-Odoining qo‘liga tegdi, bellashuv bosh hakami Styuart Ettuell VAR bilan maslahatlashganidan so‘ng penalti belgilamaslikka qaror qildi.
«Bu penalti edi, 100 foiz. Agar qo‘l tabiiy holatda deb hisoblangan bo‘lsa, men ko‘r bo‘lishim kerak.
Shouning so‘zlariga izoh bermayman, chunki bu uning uchun yomon bo‘lib chiqishi mumkin. Janjal boshlashni xohlamayman, lekin bu to‘g‘ri emas. Bularning barchasiga tashqi ta’sir sababchi. «Chelsi»ning o‘yin oldidan Maguayrning VAR haqida aytgan gaplarini o‘z saytiga joylashtirishi – bema’nilik.
«Chelsi» biz tepgan penaltilar haqida yozib, hakamlarga bosim o‘tkazdi. Shubhaga hojat bo‘lmagan penaltilarimiz borasida ham ko‘p gapirishmoqda. Natijada penalti berilishi kerak bo‘lgan vaziyatlarda bugungidek holat kuzatilmoqda.
1-2 oy avval foydamizga belgilanayotgan penaltilar haqida shov-shuv ko‘tarildi, shungdan so‘ng bizga penaltilar berishmayapti. Bundan xavotirdaman. Shubhasiz, murabbiylar hakamlarga ta’sir o‘tkazishmoqda», – deydi Ole.
Manba: www.tribuna.uz