Aleks Fergyuson: «MYu»da bor yo‘g‘i 4 nafar top-darajadagi futbolchi bo‘lgan»
13.04.2021, 22:36
«Manchester Yunayted» sobiq bosh murabbiyi ser Aleks Fergyuson qo‘l ostida to‘p surgan 4 nafar jahon darajasidagi futbolchilarni sanab o‘tdi.
«Gazetalarni o‘qiganimda yoki sharhlovchilarni eshitganda jamoamda top-darajadagi o‘yinchilar tiqilib yotgandek tasavvur uyg‘onardi. Ammo «MYu»dagi 26 yillik faoliyatimda birga ishlagan futbolchilarning mehnatini kamsitmagan holda aytishim mumkinki, qo‘l ostimda bor yo‘g‘i 4 nafar top-darajadagi futbolchi bo‘lgan. Bular – Kantona, Giggz, Skoulz va Ronaldu. Ular orasida Krishtianu yangi yil archasi ustidagi yulduzdek edi. Rayan va Pol singari Premer Ligada uzoq yillar barqaror o‘ynagan futbolchi boshqa chiqqani yo‘q», – deydi Fergyuson.
Ma’lumot uchun, shotlandiyalik afsonaviy murabbiy 1986 yildan 2013 yilgacha «Manchester Yunayted» bosh murabbiyi sifatida ishlab, 13 karra APL chempioniga aylangan. Fergyuson nafaqaga chiqqach, klub hozirgacha mamlakat chempionligiga erishgani yo‘q.
Manba: www.tribuna.uz
[Изображение удалено]
