Deklan Rays «MYu»da o‘ynashni xohlamoqda
15.04.2021, 14:23
«Vest Hem» yarim himoyachisi Deklan Rays faoliyatini «Manchester Yunayted»da davom ettirmoqchi.
Manchester Evening News xabariga ko‘ra, Angliya terma jamoasi bilan 2022 yilgi Jahon chempionatiga saralash o‘yinlariga tayyorgarlik paytida yarim himoyachi mankunianlar bilan suhbatda bu haqda aytgan. U darvozabon Din Henderson va himoyachilar Harri Maguayr va Lyuk Shoudan Manchester klubidagi ichki muhit haqida so‘ragan.
Xabar qilinishicha, «Manchester Yunayted» Raysni ikki yildan ortiq vaqtdan beri kuzatmoqda va uni sotib olish uchun asosiy da’vogar deya hisoblaydi.
Angliyalik futbolchi joriy mavsumda «bolg‘achilar» safida barcha turnirlarda 32 ta o‘yin o‘tkazib, 1 ta gol urdi va 1 ta golli pas uzatdi.
Manba: www.championat.asia
[Изображение удалено]