Ole: «MYu» yaxshi formada. Mavsumni Yevropa Ligasidagi g‘alaba bilan yakunlamoqchimiz»

19.04.2021, 12:26

«Manchester Yunayted» bosh murabbiyi Ole-Gunnar Sulsher APLning 32-turidan o‘rin olgan «Byornli»ga (3:1) qarshi o‘yindan keyin o‘z fikrlari bilan o‘rtoqlashdi.

«3 ochkodan juda xursandmiz. 2015 yildan beri uyda «Byornli»ni mag‘lub eta olmayotgandik. Yaxshi natija, ketma-ket 5 g‘alaba. Ajoyib formadamiz.

Birinchi bo‘limni odatdagidek boshladik, to‘pni nazorat qildik, ammo bo‘sh hudud topa olmadik. Raqib juda yaxshi himoyalandi. Ritmni ushlab tura olmadik. Ikkinchi bo‘limda «MYu» yugurdi, o‘ynadi va haqli ravishda gol urdi.

Bu yil oldinga siljishimiz va yaxshiroq bo‘lishimiz kerakligini aytgandik. Hozirga kelib, o‘tgan mavsumda to‘plagan ochkolarimizga (66) tenglashdik. Oldinda yana o‘yinlar bor. Bu – o‘sish.

Mavsumni Yevropa Ligasidagi g‘alaba bilan yakunlamoqchimiz. Oldinda e’tiborli bo‘lishimiz kerak bo‘lgan ko‘plab o‘yinlar bor», – deydi Ole.

Manba: www.tribuna.uz

[Изображение удалено]