Keyn «Tottenhem» rahbariyatiga jamoadan ketmoqchiligini xabar qildi. Unga APLning 3 klubi da’vogar
18.05.2021, 16:55
«Tottenhem» hujumchisi Harri Keyn yozgi transferlar oynasi vaqtida jamoasini o‘zgartirmoqchi.
Sky Sports’ning xabariga ko‘ra, hujumchi London klubi rahbariyatiga ketishni istayotganini aytgan.
«Tottenhem» 27 yoshli futbolchini sotmoqchi emas, ammo «MYu», «Manchester Siti» va «Chelsi» vakillari allaqachon «shporlar» bilan bog‘lanishgan.
Keyn APLda qolishni xohlaydi. Shuningdek, u kelajagi masalasini 11 iyunda boshlanadigan Yevropa chempionatigacha hal qilmoqchi.
Hujumchi o‘tgan yozdayoq «Tottenhem»ni tark etish niyatini bildirgandi, ammo «shporlar» uni jamoaning sovrinli o‘rinlarga harakat qilishiga ishontirishgandi. Ammo klub Premer Ligada 6-o‘rinni egallab turibdi va kelasi mavsumda YeChLda o‘ynamaydi.
Keyn bu mavsumda APLda 33 ta bahsda maydonga tushib, 22 ta gol urdi va 13 ta golga assistentlik qildi.
Manba: www.tribuna.uz