«MYu» yozda 3 futbolchini sotib olmoqchi
01.06.2021, 11:42
«Manchester Yunayted» yozgi transferlar oynasida tarkibni kuchaytirishni rejalashtirmoqda.
Manchester Evening News’ning yozishicha, ingliz klubi «Real» himoyachisi Rafael Varan, «Vest Hem» xavbeki Deklan Rays va «Borussiya» D vingeri Jeydon Sanchoga qiziqmoqda.
Madrid klubi fransiyalik futbolchini sotishga tayyor. Dortmundliklar Sanchoning narxini tushirishdi. Rays esa mankunianliklar uchun qimmatga tushishi mumkin, chunki yarim himoyachining londonliklar bilan 3 yillik shartnomasi bor va unga «Manchester Siti» hamda «Chelsi» ham da’vogar.
«MYu» «Vilyarreal»ning yosh himoyachisi Pau Torresga ham qiziqish bildirayotgandi. Ammo endilikda klub Harri Maguayrga tajribali sherik olib kelishni xohlamoqda.
Manba: www.tribuna.uz