«Manchester Yunayted» futbolchiga shart qo‘ydi
14.06.2021, 14:07
«Manchester Yunayted»ga o‘tgan yozda «Portu»dan transfer qilingan Aleks Telles o‘ziga berilayotgan o‘yin vaqtidan norozi ekanini bildirmoqda. Braziliyalik himoyachi ichki raqobatda Lyuk Shouga imkoniyatni boy berib qo‘ydi va tarkibga kira olmayapti.
Jamoa bosh murabbiyi Ole-Gunnar Sulsher kelasi mavsumda ham asosiy tarkibda angliyalik futbolchiga ishonch bildirishini ma’lum qildi.
Bundan kelib chiqib, klub rahbariyati Tellesga shart qo‘ymoqda. Unga ko‘ra, braziliyalik himoyachi yoki hozirgi sharoitga ko‘nib, zaxirada o‘tirishga rozi bo‘ladi, yo o‘ziga yangi jamoa qidiradi.
Manchesterliklar Telles bo‘yicha ijara takliflarini ko‘rib chiqmaydi va uning to‘liq transfer huquqini sotib oladigan jamoa chiqsagina muzokaraga kirishadi.
Agar Telles qolishni ixtiyor etsa, asosiy tarkibga kirish uchun kurashishi talab qilinadi.
Manba: www.sports.uz
[Изображение удалено]
