Joel Gleyzer: «Katta transferlar amalga oshirishni ko‘zlayapmiz»
15.06.2021, 00:04
«Manchester Yunayted» egasi Joel Gleyzer klubning moliyaviy holati haqida gapirdi.
«MYu» yaxshi ishlamoqda, boshqalar bizdan o‘rnak olishini istayman. Hatto bir necha bora bahsli vaziyatlardan ham yaxshi chiqib keta olganmiz.
Qayd etish kerak, biz so‘nggi bir necha yillar davomida transferlar va maoshlar uchun eng ko‘p mablag‘ ishlatayotgan klublardan birimiz. Ammo so‘nggi 10 yilda chiptalar narxini oshirganimiz yo‘q.
Biz dividendlarni doimiy ravishda to‘lab boramiz. Chiptalardan tushadigan pul esa 500-600 millionni tashkil qiladi. Bu esa dividendlarning 3-4 foizi deganidir.
Bizda ham boshqa klublar kabi qarzlar bor. Biroq ular qancha ko‘paysa ham, transferlar amalga oshirishimizga ta’sir qilmaydi. Biz boshqalarga qaraganda anchagina yaxshi holatdamiz. Oldinda katta transferlarni rejalashtirib qo‘yganmiz.
Katta summa ishlatish oson emas. Buning uchun ko‘plab qadamlar tashlash, ishlarni bajarish kerak. Ba’zida yarim ishda homiylar tashlab ketib qoladi yoki o‘zgaradi. Bu esa klubning foydasiga ishlamaydi», – deydi Gleyzer.
Manba: www.championat.asia