«Manchester Yunayted» va «Chelsi» Lokatelli uchun kurashadi
19.06.2021, 18:27
Angliya klublari «Sassuolo» yarim himoyachisi Manuel Lokatelli uchun kurashga qo‘shilishdi.
«Manchester Yunayted», «Chelsi», «Arsenal» va «Tottenhem» 23 yoshli xavbek bilan shartnoma imzolash imkoniyatlarini ko‘rib chiqishmoqda.
Oldinroq futbolchining «Yuventus» bilan shaxsiy shartnoma bo‘yicha kelishuvga erishgani aytilgan edi, ammo Turin klubi «Sassuolo» tomonidan talab qilingan 60 million yevroni to‘lashga shoshilmayapti.
Lokatelli o‘tgan mavsum klub miqyosidagi barcha musobaqalarda 34 ta o‘yinda maydonga tushib, 4 ta gol va 3 ta assist qayd etdi. Futbolchi Yevropa chempionatida Shveysariya (3:0)ga qarshi o‘yinda dubl qayd etdi.
Manba: www.championat.asia