Aleks Fergyuson sharafiga bronzadan haykal o‘rnatiladi
30.07.2021, 14:17
Shotlandiyaning «Aberdin» klubi jamoaning sobiq murabbiyi ser Aleks Fergyusonning haykalini yasashga buyurtma berdi.
Bronza haykal jamoa stadioniga o‘rnatiladi. Haykaltarosh Endi Edvards serning 1980 yilgi fotosuratidan foydalanadi. O‘shanda «Aberdin» «Seltik» va «Reynjers»ning 15 yillik hukmronligiga barham bergandi.
Klub Fergyuson boshqaruvida 3 bor Shotlandiya chempioni bo‘lgan va yana 4 bor mamlakat Kubogida g‘olib bo‘lgan. Shuningdek, u «Aberdin» bilan Shotlandiya Liga Kubogi, Kubok egalari kubogi va UEFA Superkubogida zafar quchgan hamda 1986 yilda «Manchester Yunayted»ga yo‘l olgan.
Manba: www.tribuna.uz
[Изображение удалено]