«MYu» Tripper bilan shartnoma imzolash uchun Dalotni sotishi kerak
03.08.2021, 05:01
«Manchester Yunayted» «Atletiko» himoyachisi Kiran Tripperga qiziqish bildirmoqda.
Ammo, Manchester klubi oldin bosh murabbiy Ole-Gunnar Sulsher ishonch bildirmayotgan himoyachi Diogu Dalotni sotishni xohlamoqda.
Portugaliyalik futbolchi uchun bosh da’vogar «Milan»dir, ammo klublar transfer narxi borasida kelisha olishmayapti. «MYu» o‘yinchini keyinchalik 5 mln yevroga xarid qilish huquqi bilan 4 mln yevroga ijaraga berishga tayyor, ammo bu italyan klubini qoniqtirmayapti. Tomonlar muzokaralarni davom ettirishmoqda.
Eslatib o‘tamiz, Dalot «MYu»ga 2018 yilda «Portu»dan 22 mln yevro evaziga o‘tgandi. U o‘tgan mavsumni «Milan» safida o‘tkazdi. Futbolchi italyan klubi tarkibida barcha musobaqalarda 34 ta o‘yinda maydonga tushib, 2 ta gol va 3 ta assist qayd etdi.
Manba: www.championat.asia
