«MYu» o‘z himoyachisi klubdan ketishi uchun unga pul to‘lashga tayyor
19.08.2019, 13:11
«Manchester Yunayted» o‘z himoyachisi Markos Roxo klubdan ketishi uchun unga pul to‘lashga tayyor, deb xabar tarqatdi Mirror.
29 yoshli argentinalik futbolchi bosh murabbiy Ole-Gunnar Sulsherning rejalarida yo‘q. Jamoada bir vaqtning o‘zida 7 nafar markaziy himoyachi yig‘ilib qolgan.
Roxoning shartnoma muddati tugashiga hali ikki yil bor. Unga haftasiga 130 ming funt maosh to‘lanmoqda.
Yoz davomida Markosga xaridor topa olmagan klub rahbariyati u bilan kelishib, maoshining katta qismini to‘lab bermoqchi. Himoyachining o‘zi Ispaniya yoki Italiya chempionatiga o‘tishni ko‘zlayapti, bu mamlakatlarning ba’zi klublari uni ijaraga olish istagida.
Roxo o‘tgan mavsumda APLning 5ta turida qatnashdi xolos. YeChLda esa bitta o‘yinda ko‘rinish berdi.
«Yunayted» 16-raqam egasini 2014 yilda Lissabonning «Sporting» klubidan 20 million yevroga sotib olgandi. U bunga qadar Moskvaning «Spartak» va Argentinaning «Estudiantes» jamoalarida ham o‘ynagan.
Manba: www.tribuna.uz
