APLda noyabr oyining eng yaxshi murabbiyi sovrini uchun nomzodlar e’lon qilindi
30.11.2023, 22:31
Angliya Premer-ligasining rasmiy sayti oyning eng yaxshi murabbiyi sovrini uchun nomzodlar nomini e’lon qildi.
Sovrin uchun quyidagi mutaxassislar da’vogarlik qilmoqda: Erik ten Hag («Manchester Yunayted»), Eddi Xau («Nyukasl»), Andoni Iraola («Bornmut») va Robert Edvards («Luton»).
Ovoz berish 6 dekabrga qadar davom etadi. Muxlislar ovozi bir guruh futbol mutaxassislarining fikrlari bilan birlashtiriladi. G‘olib kelasi hafta e’lon qilinadi. 2023 yil oktyabr oyida «Liverpul» vingeri Muhammad Saloh Premer-ligada oyning eng yaxshi futbolchisi, «Tottenxem» ustozi Anj Postekoglu esa eng yaxshi murabbiy deb topilgandi.
Manba: www.stadion.uz