Ten Hag «Bavariya» bilan o‘yin oldidan: «MYu» istalgan raqibni mag‘lub eta oladi»
11.12.2023, 21:14
«Manchester Yunayted» bosh murabbiyi Erik ten Hag Chempionlar Ligasi 6-turi doirasidagi «Bavariya»ga qarshi o‘yin oldidan fikrlari bilan o‘rtoqlashdi.
Niderlandiyalik murabbiy jamoasining yevrokuboklardagi ishtirokini davom ettirishiga umid bildirdi.
«Hech qachon voqealarning salbiy ehtimoli haqida o‘ylamayman. «Bavariya» bilan o‘yin oldidan ham ijobiy natija haqida o‘ylayapmiz. Yevrokuboklarda qolish uchun g‘alaba qozonishimiz talab etiladi. So‘nggi haftalarda yaxshi sport formasida bo‘lsak, buni uddalay olishimizni ko‘rsatdik.
Yaxshi o‘yinlarni o‘tkazdik va yaxshi natijalar ham qayd etdik. Biz istalgan raqibni mag‘lub eta olamiz. Masalan, «Chelsi», «Everton» bilan o‘yinlarimiz, hattoki «Galatasaroy»ga qarshi o‘yinni eslash mumkin. Jamoamiz eng yuqori darajada ham o‘ynay oladi. «Bavariya»ga qarshi o‘ynayotganingda eng yaxshi darajangni ko‘rsatishing kerak. «Chelsi»ga qarshi o‘yinda ham raqib tarkibi kuchli edi, bu safar ham shunday», – deydi ten Hag.
Ma’lumot uchun, «MYu» – «Bavariya» o‘yini 12 dekabr, seshanba oqshomida bo‘lib o‘tadi. A guruhidan Myunxen klubi allaqachon 1-o‘rin bilan keyingi bosqichga yo‘llanma olgan bo‘lsa, «Kopengagen» (5 ochko) va «Galatasaroy» (5 ochko) 2-3-o‘rinlarni egallab turibdi, «MYu» 4 ochko bilan 4-o‘rinda bormoqda.
Manba: www.tribuna.uz