«MYu» Sancho, Kazemiro, Marsyal va Varanni Saudiya Arabistoni klublariga taklif etdi
20.12.2023, 12:01
«Manchester Yunayted»ning bir qator futbolchilari qishki transfer oynasida Saudiya Arabistoni klublariga ko‘chib o‘tishi mumkin.
Daily Mail xabariga ko‘ra, «Manchester Yunayted» sport direktori Jon Merto yaqinda Saudiya Arabistoniga safar qilib, jamoaning bir necha o‘yinchisini arab klublariga tavsiya qilgan. Jumladan, Jeydon Sancho, Rafael Varan, Antoni Marsyal va Kazemiro singari o‘yinchilar bo‘yicha arab klublari rahbariyati bilan uchrashgan.
Qayd etilishicha, Merto Ar-Riyodda transfer bo‘yicha aniq taklif olmagan bo‘lsa-da, ayrim klublar bilan yanvarda muzokara boshlashga kelishib olgan.
Avvalroq, ten Hag Marsyal va Sancho bilan xayrlashishga tayyor ekani xabar qilingan edi.
Manba: www.tribuna.uz
