Pulishich nega «Manchester Yunayted»ga o‘tmagan?

20.08.2019, 13:43

«Chelsi»ning yangi o‘yinchisi Kristian Pulishich «Manchester Yunayted»ga o‘tishi mumkin edi.

Amerikalik o‘yinchi o‘sha vaqtda jamoani boshqarayotgan Joze Mourino tufayli «qizil iblislar» taklifini rad etgan.

Bunga sabab portugaliyalik mutaxassis yosh o‘yinchilarga kam o‘yin amaliyoti berishi bilan bog‘liq. Shuningdek, Pulishichning otasi ham portugaliyalik murabbiy borasida salbiy fikrda bo‘lgan.

20 yoshli AQSH terma jamoasi o‘yinchisi «Chelsi»ga shu yozda Dortmundning «Borussiya» klubidan o‘tgan edi.
Pulishich sobiq klubi safida o‘tgan mavsum 30ta o‘yinda maydonga tushib, 7ta gol urishga erishgan.

Manba: www.championat.asia