Giggz: «Jeyms – sen kiyim almashtirish xonasida ko‘rishni xohlaydigan futbolchi»
21.08.2019, 07:10
Uels milliy terma jamoasi bosh murabbiyi Rayan Giggz hamyurti va «Manchester Yunayted»ning yangi a’zosi Deniel Jeyms haqida gapirdi.
«Sulsher mendan u haqida so‘radi va bu savolga men Jeyms katta salohiyatga ega futbolchiligini aytib javob berdim. U juda tezkor va sen kiyim almashtirish xonasida ko‘rishni xohlaydigan yigit. Unga maslahat berish juda oson, negaki u iqtidor.
Deniel dastlab har kimni tezkorlik bilan ortda qoldiradi. U oxirgi pallalarda tezlik qo‘sha oladi. O‘tgan yili uning «Suonsi»dagi o‘yinlarini kuzatdim va Jeyms Chempionshipda to‘p tepayotgan deyarli har bir himoyachini yorib o‘tdi», – deydi Giggz.
Manba: www.championat.asia
