Sanches «Inter» bilan shartnoma imzolash uchun Milanga bordi
28.08.2019, 20:24
Transfer oynasi yopilishi arafasida Milanning «Inter» klubi yana bir sensatsion transferni amalga oshirdi. Ko‘k-qoralar «Manchester Yunayted» hujumchisi Aleksis Sanchesni o‘z saflariga qo‘shib oldi.
Sanches «Inter» bilan shartnoma imzolash uchun Milanga bordi. Bu haqda Sky Sports muxbiri Fabritsio Romano o‘zining tvitterdagi sahifasida ma’lum qilgan. Jurnalist o‘zining sahifasida Sanchesning Milanda «Inter» muxlislari tomonidan kutib olingani tasvirlangan videoni joylagan.
Sanches mavsum yakuniga qadar «Inter»ga ijaraga o‘tmoqda. Kelishuvga ko‘ra, milanliklar Sanchesning 12 million funt maoshidan 5 millionini to‘lab berishadi. 30 yoshli Aleksis Yevropadagi faoliyatini aynan Italiyada boshlagan. Chililik futbolchi 2006/11 yillar davomida «Udineze» tarkibida o‘ynagan.
Manba: www.tribuna.uz