De Xea «Manchester Yunayted»da Pogba bilan teng miqdorda maosh olmoqchi
09.09.2019, 22:05
«Manchester Yunayted»ning ispaniyalik darvozaboni David de Xea yaqin orada yangi shartnomani imzolaydi.
The Guardian xabariga ko‘ra, posbonning maoshi miqdori 17 million yevroga yetkaziladi. Bu esa yarim himoyachi Pol Pogba maoshiga tengdir.
De Xeaning amaldagi mehnat bitimi 2020 yil yozigacha mo‘ljallangan. Mankunianliklar uni bepul qo‘ldan chiqarishni istamasa, yangi shartnoma imzolashga shoshilishi kerak.
28 yoshli darvozabon 2011 yildan beri «Manchester Yunayted» sharafini himoya qilmoqda va jami 366ta o‘yinda maydonga tushgan.
Manba: www.tribuna.uz