Pogba: «Ahmoqona xatoga yo‘l qo‘ydim. Jarima maydonchasi ichida eng yaxshi himoyachi emasman»
02.11.2020, 12:20
«Manchester Yunayted» yarim himoyachisi Pol Pogba APLning 7-turidan o‘rin olgan «Arsenal»ga (0:1) qarshi o‘yindan keyin o‘z fikrlarini bildirdi.
Fransiyalik futbolchi bellashuvda o‘z jamoasi zarariga penalti ishladi. Undan «to‘pchilar» hujumchisi Per-Emerik Obameyang unumli foydalandi.
«Yomon o‘ynaganimizni bilamiz. Bunday qilmasligim kerak edi. To‘pga o‘ynayman, deb o‘yladim, lekin adashdim. Ushbu harakatim golga olib keldi.
Men va jamoam bundan yaxshiroq o‘ynashimiz kerak. Ehtimol, biroz charchagan edim va shuning uchun bunday ahmoqona xatoga yo‘l qo‘ydim. Kuchliroq bo‘laman. Jarima maydonchasi ichida eng yaxshi himoyachi emasman. Shu jihat bo‘yicha ishlashim zarur.
Shuningdek, to‘p bilan yaxshiroq ishlashimiz va ko‘proq vaziyatlar yaratishimiz kerak», – deydi Pogba.
Manba: www.tribuna.uz
[Изображение удалено]