Desham Pogbaning Yevro-2020 saralash o‘yinlariga nega chaqirilmaganini aytdi
04.10.2019, 05:33
Fransiya milliy jamoasi bosh murabbiyi Dide Desham yarim himoyachi Pol Pogba jarohati sababli Yevro-2020 saralash o‘yinlariga chaqirilmaganini aytdi.
«Uning to‘pig‘ida muammolar bor. U Liga Kubogida va «Arsenal» bilan o‘yinda maydonga tushdi. So‘ng yana muammolarga duch keldi. Shu sababli u 3 haftani o‘takazib yuboradi.
Men uning xuddi boshqa chaqirilgan futbolchilar singari safimizda bo‘lishini xohlardim», – deydi Desham.
Fransiya milliy jamoasi Yevropa chempionati saralashi doirasida 11 oktabr kuni Islandiya bilan, 14 oktabr kuni Turkiya bilan o‘ynaydi.
Manba: www.tribuna.uz