«MYu» futbolchisi: «AZ Alkmaar»ga qarshi o‘yindagi durang – jamoa uchun yaxshi natija»
05.10.2019, 07:16
«Manchester Yunayted» himoyachisi Diogo Dalot Yevropa Ligasi doirasidagi «AZ Alkmaar»ga qarshi o‘yindan (0:0) so‘ng o‘z fikrlarini bildirib o‘tdi.
«Mehmondagi bir ochko – «MYu» uchun yaxshi natija. Qiyin bo‘ldi, ammo biz yomon o‘ynamadik. Jamoa tarkibida ko‘plab yosh futbolchilar bor.
Shu bilan birga himoyada ishonchli o‘ynadik va durangga erishdik.
Biz – «Manchester Yunayted»miz. Bizning maqsadimiz yuqoriroq bo‘lishi kerak. Bizning guruhdagi holatimiz yaxshi, ammo biz to‘xtab qolmasligimiz zarur», – deydi Dalot.
Eslatib o‘tamiz, «MYu» Yevropa Ligasida 2 turdan so‘ng 4 ochko jamg‘argan holda, «L» guruhida ikkinchi o‘rinda bormoqda.
Manba: www.championat.asia
