Ole: «MYu» boshqaruvidagi eng yomon kunim. Bu mag‘lubiyat o‘tgan yilgi 1:6 dan ham yomonroq»
25.10.2021, 15:31
«Manchester Yunayted» bosh murabbiyi Ole-Gunnar Sulsher APL 9-turidan o‘rin olgan «Liverpul» (0:5) bilan bahsdan so‘ng o‘z fikrlarini bildirdi.
«So‘z topish qiyin. Ammo aytishim mumkinki, bu – jamoa bosh murabbiyi sifatida faoliyatimdagi eng yomon kun. Individual va jamoaviy jihatdan yetarlicha yaxshi emasdik. «Liverpul»ga bunday vaziyatlar yaratishga imkon bermaslik kerak. Afsuski, biz bunday qilmadik.
Bizda bo‘sh hududlar bor edi va ular imkoniyatlardan xotirjam foydalanishdi. Uchinchi gol o‘yin natijasini hal qildi.
Bu – mening javobgarligim. Murabbiylar shtabi zo‘r. O‘yinga yondashuvimizni aniqlayman. Vaziyatlardan unumli foydalanmadik. «Liverpul»ga avvalgi yillarda bo‘lgani kabi yuqori bosim qildik. Ammo bugun ular o‘z vaziyatlaridan foydalanishdi.
O‘tgan mavsumda «Tottenhem»ga 1:6 hisobida mag‘lub bo‘lgandik, ammo bugungi mag‘lubiyat undan ham yomonroq. Ayniqsa, men va «MYu» muxlislari uchun. Biz undan tezda qutulishimiz kerak.
Hammamiz uzoq yo‘lni bosib o‘tdik. Endi taslim bo‘lishga juda yaqin turibmiz. Futbolchilar xafa bo‘lishadi, lekin bizda kuchli xarakterga ega odamlar ko‘p. Qanday xulosalar chiqarishni ko‘ramiz», – deydi Ole.
Manba: www.tribuna.uz
[Изображение удалено]
