«MYu» Sulsherni iste’foga chiqarishga shoshilmayapti. Konte muzokaralarga ochiq
25.10.2021, 20:30
«Manchester Yunayted» APL 9-turi doirasida azaliy raqibi «Liverpul»ga yirik hisobda mag‘lubiyatga (0:5) uchragan bo‘lsa-da, klub rahbariyati bosh murabbiy Ole-Gunnar Sulsherni iste’foga chiqarishga shoshilmayapti.
Insayder Fabritsio Romanoning yozishicha, sharmandali mag‘lubiyatga qaramay, kecha tunda klub rahbariyati shoshilinch yig‘ilish o‘tkazgani yo‘q. Klub rahbariyati Sulsherning keyingi taqdiri haqida o‘zaro maslahatlashishgan, yaqin 24 soat ichida bosh murabbiy masalasida qarorga kelinishi kutilmoqda.
Manbaning xabariga ko‘ra, bir qator murabbiylar «MYu»da ish boshlashga tayyor. Shu jumladan, hozirda ishsiz bo‘lgan Antonio Konte ham manchesterliklar bilan muzokara o‘tkazishga ochiq.
Avvalroq, «MYu» Sulsherni iste’foga chiqargan taqdirda, Ronalduning tavsiyasi bilan Zineddin Zidanni taklif etishni o‘ylayotgani haqida xabar berilgandi.
Manba: www.tribuna.uz
[Изображение удалено]