Sky Sports: «MYu» Sulsherni iste’foga chiqarmaydi
26.10.2021, 16:29
«Manchester Yunayted» bosh murabbiyi Ole-Gunnar Sulsher jamoadagi faoliyatini davom ettiradi, deya xabar bermoqda Sky Sports.
Manba xabariga ko‘ra, «MYu» rahbariyati norvegiyalik murabbiyni iste’foga chiqarmaslikka qaror qilgan. Jamoa rahbariyati azaliy raqibdan uchralgan sharmandali mag‘lubiyatga qaramay, hozirda asosiy e’tiborni vaziyatni yaxshilashga qaratish kerak deb hisoblamoqda. Klub APLning so‘nggi 4 ta turida bor yo‘g‘i bir ochkoga ega bo‘ldi.
«Manchester Yunayted» keyingi turda 30 oktyabr kuni «Tottenhem»ga qarshi to‘p sursa, 2 noyabrda «Atalanta»ga qarshi YeChL bahsi, 6 noyabr kuni esa «Manchester Siti» bilan bahsda APL doirasida to‘qnash keladi.
Avvalroq, Sky Sport jurnalisti Janluka Di Marsio «MYu» va Antonio Konte o‘rtasidagi dastlabki aloqalar o‘rnatilgani, italiyalik mutaxassis manchesterliklar rahbariyatiga hozirgi tarkib bilan muvaffaqiyatga erisha olishini ishonch bilan aytgani haqida ma’lum qilingandi.
Ma’lumot uchun, «MYu» APL 9-turidan keyin 14 ochko bilan 7-o‘rinda bormoqda. Chempionlar ligasida esa 3-turdan keyin 6 ochko bilan guruhda peshqadamlik qilmoqda.
Manba www.tribuna.uz
[Изображение удалено]
