Venger Ronalduning «MYu»dagi vaziyati haqida gapirdi
26.10.2021, 19:09
FIFAning futbolni global rivojlantirish bo‘limi boshlig‘i lavozimida ishlayotgan sobiq murabbiy Arsen Venger «Liverpul»ga uchralgan mag‘lubiyatdan (0:5) keyin Krishtianu Ronalduning «MYu»dagi faoliyati haqida fikr bildirdi.
– «Ronalduning «Yunayted»ga qaytarilganini xato qaror bo‘ldi, demagan bo‘lardim. U fantastik futbolchi bo‘lganini unutmaslik kerak.
Krishtianu hali jamoa uchun muhim gollar kiritishiga ishonchim komil. Ammo u yuqori bosimda o‘tadigan har bir bahsda ketma-ket bu ishni takrorlay oladimi? Bugun hammasi avvalgidek emas, ammo yana bir narsani unutmaylikki, Ronaldu uch kun avval Chempionlar ligasida qahramon bo‘lgandi.
Ronaldu darajasidagi o‘yinchini klubga taklif etganingizdan keyin jamoada balansni saqlash muhim jihat sanaladi. Ronaldu siz uchun o‘yinni yutib berishi mumkin, ammo tarkibda o‘ynash uchun uning atrofida balansni to‘g‘ri taqsimlashingiz shart», – deydi «Arsenal» sobiq ustozi.
Ma’lumot uchun, Ronaldu «MYu»ga qaytgach, APL va YeChLda jami 9 o‘yinda 6 ta golga mualliflik qildi.
Manba: www.tribuna.uz
[Изображение удалено]
