«MYu» Sulsherga uch o‘yinga imkoniyat beradi. Natija o‘zgarmasa Konte taklif qilinadi
27.10.2021, 19:55
«Manchester Yunayted» rahbariyati jamoa natijalari yaqin uchta o‘yinda o‘zgarmasa, tez orada murabbiylar shtabida katta o‘zgarishlarga qo‘l uradi.
Football Italia xabariga ko‘ra, rahbariyat «Tottenhem» (30 oktabr), «Atalanta» (2 noyabr) va «Manchester Siti»ga (6 noyabr)ga qarshi o‘yinlarda Sulsherga so‘nggi imkoniyatni berishga qaror qilgan. Shunda ham ser Aleks Fergyuson, Devid Gill va klub ijrochi-direktori Ed Vudvordning norvegiyalik mutaxassisga imkoniyat berish fikri inobatga olingan.
Norvegiyalik murabbiy jamoani qiyin vaziyatdan olib chiqib keta olmasa, klub rahbariyati Sulsher bilan birga uning murabbiylar shtabidagi yordamchilarini ham iste’foga chiqarmoqchi. Ole-Gunnarning o‘rniga Antonio Konte taklif etilishi kutilmoqda.
Avvalroq, klub dushanba va seshanba kunlari italiyalik murabbiy bilan aloqaga chiqqani, Konte hozirgi tarkib bilan Manchesterda ishlashga tayyorligini bildirgani haqida xabar qilingan edi.
Ma’lumot uchun, APL 9-turidan keyin «MYu» turnir jadvalida 14 ochko bilan 7-o‘rinda bormoqda. Klub Premer Liga doirasidagi so‘nggi 4 o‘yinda bor yo‘g‘i bir ochko oldi.
Manba: www.tribuna.uz
[Изображение удалено]
