Manchini «MYu» taklifini rad etdi
24.11.2021, 15:58
«Manchester Yunayted» klubi Ole-Gunnar Sulsher iste’foga chiqarilgandan so‘ng yangi murabbiy izlashda davom etmoqda.
Bild nashri jurnalisti Kristian Falkning yozishicha, mankunianlar Italiya milliy jamoasi bosh murabbiyi Roberto Manchini bilan bog‘langan. Ma’lum bo‘lishicha, «Manchester Siti» sobiq ustozi Italiya milliy jamoasi bilan JCh-2022 yo‘llanmasini qo‘lga kiritishi shart ekanini aytib, «qizil iblislar» taklifini rad etgan.
Bungacha, «Manchester Yunayted» «Real» sobiq bosh murabbiyi Zinedin Zidan variantidan ham voz kechgani ma’lum bo‘lgan.
Avvalroq, klubning Pochettino bilan muzokara o‘tkazayotgani haqidagi xabarlar yolg‘on ekani borasida xabar berilgan edi.
Manba: www.tribuna.uz