Tuxel: «Ilk daqiqalardan o‘yinni boshqardik. Ikkala jamoa uchun bittadan gol urdik»
29.11.2021, 16:27
«Chelsi» bosh murabbiyi Tomas Tuxel APL 13-turidan o‘rin olgan «Manchester Yunayted» (1:1) bilan bahsdan so‘ng o‘z fikrlarini bildirdi.
«Afsuski, biz bilan ikkinchi marta shunday bo‘ldi. «Byornli»ga qarshi bahsda ham ustunlik qilib, g‘alaba qozona olmagandik. O‘yinimizdan to‘liq qoniqdim. Birinchi daqiqalardan ustunlik qildik, tajovuzkor va to‘xtovsiz hujumga o‘tdik. Afsuski, ikkala jamoa uchun bittadan gol urdik (Jorjinoning xatosidan so‘ng «MYu» to‘p kiritdi).
Ryudiger yaxshi daqiqalarni o‘tkazdi. Agar gol urganida, fantastik o‘yinning ajoyib yakuni bo‘lardi.
Juda intizomli va e’tiborli edik. Ko‘rganlarimdan mamnunman. Natijaga kafolat bera olmaymiz. Ammo shunday o‘ynasak, yaxshi natijaga erishish imkoniyati oshaveradi», – deydi Tuxel.
Manba: www.tribuna.uz
