«Ronaldu «MYu»ga zaxirada o‘tirish uchun qaytgan emas». Roy Kin Kerrikni tanqid qildi
29.11.2021, 21:25
«Manchester Yunayted» sobiq sardori Roy Kin Krishtianu Ronalduning «Chelsi»ga qarshi o‘yinni zaxiradan boshlagani haqida fikr bildirib, murabbiy Maykl Kerrikni tanqid qildi.
«Ronaldu «MYu»ga zaxirada o‘tirish uchun qaytgan emas. U asosiy tarkib futbolchisi.
Menga Ronalduning finish hushtagi chalinganidan so‘ng, Kerrikka qo‘l tashlamagani g‘alati tuyulmadi. Uning xafa bo‘lishi o‘rinli, sababi u zaxirada o‘tirish uchun kelmagan. Buning nima keragi bor?
Ronaldu jahon darajasidagi futbolchi. U «MYu»ga qaytganidan so‘ng bir qancha yaxshi natijalarga erishdi, gol va assistlar qayd etdi. Ko‘p marta jamoaga aynan u g‘alaba olib keldi. Shu sabab Kerrikning qarorini oqlamayman. Siz yulduz futbolchilar bilan qanday ishlashni bilishingiz kerak, sababi aynan ular sizning jamoangizni saqlab qoladi», – deydi Kin.
Ma’lumot uchun, Ronaldu o‘yinning 64-daqiqasida Sanchoning o‘rniga maydonga tushdi. Uchrashuv tomonlarning 1:1 hisobidagi durangi bilan yakun topdi.
Manba: www.tribuna.uz
[Изображение удалено]