Rangnik viza olishdagi muammolar sababli dekabr oyi o‘rtalarigacha «MYu»ni boshqara olmasligi mumkin
01.12.2021, 13:54
«Manchester Yunayted» bosh murabbiyiga aylangan Ralf Rangnik viza olish bilan bog‘liq muammolarga duch kelmoqda, deb xabar beradi ESPN.
Manbaga ko‘ra, germaniyalik mutaxassis dekabr oyi o‘rtalaridagina jamoa boshqaruviga kelishi mumkin.
Rangnik 2019 yildan beri murabbiylik qilmagani, Buyuk Britaniyada ishlashga avtomatik tarzda ruxsat ololmagani bois bu masala yuzasidan Angliya futbol assotsiatsiyasi tomonidan tayinlangan mustaqil komissiyaga murojaat qilishi kerak bo‘ladi.
Murabbiy 11 dekabr kuni bo‘lib o‘tadigan «Norvich»ga qarshi o‘yingacha yetib kelishi kutilmoqda.
Manba: www.tribuna.uz
[Изображение удалено]